Dr erscht Chinderarzttermin wär o gschafft. D‘ Sandra het nach eim Monet 982 gramm meh uf de Rüppi und isch 5 cm gwachse (jetz 53 cm gross). Si het sech o bir Ärzti wider ganz vorbiudlech präsentiert und isch di meischti Zyt sehr ruhig blibe. U d‘ Frou Dokter isch auso e sehr sympateschi. Published on 14. Juni 2013 by Manu
Hüt Nami isch d Frou Berger vor Müettere- und Vättereberatig cho luege wies louft. Vorem Gspräch hei mer d Sandra gwoge (inzw. bringt si 3’975 gramm uf d Waag) u när het doch das Lusmeitschi s wisse Blusli vor Frou Berger versch***. Published on 12. Juni 2013 by Manu
So, drü Wuche nach der Geburt bringe jetz o ig mi Ehering übere Ringfinger. Published on 8. Juni 2013 by Manu
Hüt isch no es letschts Mau d Hebamme, d Barbara verbicho. I ha no glehrt, wie me amne Baby tuet Naseputze. Isch fangs guet, de mues üsi chlini Bohne nümm so grunze ir Nacht. Published on 5. Juni 2013 by Manu
Mi erscht Tag allei mit dr Sandra… Mir si go spaziere, go ichoufe (nid i der Stosszyt!) und bädlet hei mer o no. D Zyt a däm Tag isch verbi wi im Flug. Published on 3. Juni 2013 by Manu
Jetz bini grad mini nöii ID und dr biometrisch Pass ga mache. Das isch ja fangs e rächti Prozedur. U irgendwie komisch, z Wüsse dasi jetz ca. di nächschte 10 Täg ke güutige (amtleche) Uswis me ha.. Published on 11. April 2013 by Manu
Nach nid mau ere Wuche, hani doch scho di erschti Poscht ufe nöi Name übercho :) Published on 8. April 2013 by Manu
Ja, jetz bini d Frou Wäger :) u jetz heissts mau aui Uswise und Dokument z ändere. Das wierd mer e schöni Sach gäh, bis das aus usgwächslet isch, aber egau, i wott ja nid jammere, d Fröid isch viu grösser. Published on 2. April 2013 by Manu
I hami u gfröit, dass mr zu mim Geburiapéro so viu Lüt hei z Bsuech gha. Schön sit dr verbicho, s’isch super gsy! :) Published on 30. Januar 2013 by Manu