Author: Pädu Wäger

D’Sandra isch hüt so blöd mitem Kopf ine Kante gheit, dass sie i Notfau het müesse und mit drüne Stiche isch gnäit worde. Aber sie isch sehr tapfer gsy u het guet häregha und so de Mediziner d’Sach sicher o vereifacht.

Published on 12. August 2016 by Pädu Wäger

Hie es Biudli nachem ,Zämeflicke‘. Ds Biud ,davor‘ wei mer nech erspare…

Zur Fyr vo üser Eidgenosseschaft hei mir iglade u i ha öppis Neus am Grill usprobiert: Pulled Pork. Das sy knapp 2.5 kg Schweinehals woni bereits am Morge am 7ni ufe Grill ta u so öppe 11 Stung la niedergaare.

Published on 1. August 2016 by Pädu Wäger

Es isch sehr fein gsy, aber für nes angers Mau isch mir gloub dä Ufwand nid der Wert.

Grosi u Grösi hei ume eis die ganzi Jungmannschaft zum Grille z’Schenke iglade – es het guet gmundet und so hei mir o ume eis Brösis Söhn gseh, was schüsch ja o nid eifach so passiert.

Published on 24. Juli 2016 by Pädu Wäger

D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.

Published on 3. Juli 2016 by Pädu Wäger

D’Sandra isch bim Grosi i de Ferie u die Glägeheit zu Wort z’cho het d’Laura umgehend gnutzt.

Published on 28. Juni 2016 by Pädu Wäger

Bim Znacht ässe het d’Laura plötzlech agfange „Gugus, Dada“ z’spiele mit ihrem Nuschi. Da hei mir natürlech ghoufe mitspiele. MEHR ANZEIGEN

Published on 26. Juni 2016 by Pädu Wäger

I ha soebe es Video gseh wo mi lut het la uselache. Die Parodie vom Intro vor Fernseh-Serie „Game of Thrones“ isch uf 90er-Jahr gmacht und triffts wunderbar ufe Punkt – köstlech!

Published on 24. Juni 2016 by Pädu Wäger

Trotz em verregnete Wuchenend, hani mi a Grill gsteut u ume kilowys (~ 2.7 kg) SpareRibs gmacht für Monika, Ueli u üs. I ha derbi e neue Rezeptur probiert wo guet isch acho (persönlech fingeni se nid glich guet wie die Bisherigi).

Published on 19. Juni 2016 by Pädu Wäger

D’Sandra het mir hüt erklärt dass ihres Bäbi „truurig isch wüu’s nid darf fouge“. Auso ganz ehrlech, i finge so Ussage eifach nume härzig u köstlech, o wes zum Teil Seich isch wo ke Sinn macht. Oder drum grad bsungers.

Published on 17. Juni 2016 by Pädu Wäger

D’Sandra het mir hüt verzeut dass sie mis Bad putzt het, speter hani vor Manu no erfahre, dass o mini Zahnbürste isch putzt worde… Na, da bini aber mau gspannt :)

Published on 14. Juni 2016 by Pädu Wäger