Author: Pädu Wäger
Mir si wieder d’Ste ga bsueche ir Insu. Es geit ihre scho wieder besser u vorauem cha sie morn wieder hei!
D’Stüürbehörde het mi informiert, dass sie mir wei e schöni Summe Stüüre zrügg gä. Da sägeni gwüss nid nei =)
D’Joëlle u dr’Mano si verbi cho zum gmeinsam grille (im November *hihi*) und när dr’Match luege.
Dr’Match hätt sech durchus besser chönne entwickle… 🙁
Uf mire Suechi nachere richtig geile Läderjagge bini bi „Leder Mavip“ in Wabere fündig worde.
I ha d’Platin-Trophäe vo „Sleeping Dogs“ erreicht *freu*. Am Schluss isches chli repetativ gsi, aber schüsch es sehr guets Game wo mir viu Spass het gmacht.
„Was lange währt, wird endlich gut.“ I bi hüt mit aune plante und unplante Änderige füre neu Release vom Rotary CVS fertig worde. Bi gspannt wie ds’erschte Feedback am Mänti usgseht.
Mini Wichteli-Wunschlischte isch verschickt; bi scho itze gspannt druf ob und wie miner Wünsch mim Wichteli aus Inspiration diene.
U ume eis bini mit John u Mike es paar Bierli ga nä.
Mir hei vorauem über 3-egg u wie witer diskutiert u si zum Entscheid cho, dasses unger de itzige Umständ besser isch, wemers lö la si.
I muess o ehrlech säge, dass i nid recht wüsst wo d’Zyt her nä zum e ordentlechi Büetz z’mache; i ha eifach schüsch scho gnue…