Author: Pädu Wäger

Und itz het d’Hockey-Saison o für mi offizieu agfange mitem Champions Hockey League Spiu SCB gege Black Wings Linz, wo üse SCB miteme souveräne 5:0 für sich het chönne entscheide.

Published on 6. September 2016 by Pädu Wäger

I ha mau wieder Gfeugha u grad denn wöue es Foto füre Blog mache wo’s plötzlech es Gou git 🙂

und hie no es Biud wie die Zwo mitenang hei chönne sandele u eifach dr’Friede hei gha.

Published on 30. August 2016 by Pädu Wäger

Mir hei e gmüetleche Tag am Strand verbracht und d’Töchtere hei sech dörfe mit Sand (und Salz-Meer) vertrout mache. Dr’Sand isch dr’Hit für die Chline, aber ds’Meer behagt ne no nid so.

Published on 29. August 2016 by Pädu Wäger

Mir hei üs mit Pidu (mi Götti) u sir Frou Therese troffe und sy zäme fein ga zNachte und hei derbi dorfet über Lloret, Spanie, Ferie u schüsch no auerlei.

Published on 28. August 2016 by Pädu Wäger

Nachere lange Fahrt sy mir itz in Spanie acho und hei o grad üse Bungalow chönne bezieh. Ds’Wetter isch bombig (über 30° und kener Wouke).

Published on 27. August 2016 by Pädu Wäger

D’Fahrt isch sehr guet gange. Mir hei kener Problem gha ungerwegs – weder Stou, verfahre, no quängelndi Ching).

Syt Afangs Juli sy d’Manu u ig mehrmaus pro Wuche am fitte (mit Freeletics). Soebe hei mir d’Hell Days abgschlosse – 3 Trainings-Tag mit meh Repetitione pro Üebig wo eim o mental über d’Grenze söue bringe.

Published on 24. August 2016 by Pädu Wäger

Totau het d’Manu i de letschte 5 Tag (3 Trainings mit je 1 Tag Pouse) fougendes absolviert:

245 Situps
175 Crunches (vereinfachte Rumpfbeugen)
450 Climbers
75 Mountain Climbers (vereinfachte Climbers)
75 HH Squats (Helfende Hand Kniebeugen)
260 Lunges
85 Burpees (Pädus Hass-Übung)
100 Sprawls (vereinfachte Burpees)
105 Straight Leg Levers
100 HH Leg Levers (Helfende Hände …)
450 Jumping Jacks
45 Standups

Pädu het i dere Zyt fougendes müesse mache:

425 Situps
40 Crunches
396 Climbers
75 Squats (Kniebeugen)
100 HH Squats
70 Lunges
50 Burpees
50 Straight Leg Levers
290 Jumping Jacks
34 Pushups
100 Knee Pushups (vereinfachte Pushups)
21 Jumping Pullups
6 x 40 Meter Sprint

A mim erschte Ferietag hani no 2-3 Sache ds’Bern wöue/müesse organisiere, und ha die Glägeheit grad gnutzt zum mitem John zäme ga z’Mittag ässe. I ha no grad Glück gha, het er Zyt gha und isch nid vou Termine gsy.

Published on 24. August 2016 by Pädu Wäger

Ufem Weg zrügg hani im Parking de o no grad e säutene Charre gseh: e 3-rädrige Morgan.

I ha Ferie :) Mir verreise zwar ersch am Frytig, aber es paar freii Tage vorher tüe o scho guet.

Published on 23. August 2016 by Pädu Wäger

Itz isches endlech sowit – dr’Laura wachst dr’erscht Zahn und mä gspürt nä scho vei chli guet :)

Published on 16. August 2016 by Pädu Wäger

Einzig gseh tue mä ne nod nid so recht, aber o das chunnt no.

Bim i ds’Bett bringe het mir d’Sandra verzeut dass sie gärn „vo dir wott troime … wie du tuesch schnarchle“. Das isch sones Lisi.

Published on 14. August 2016 by Pädu Wäger