Mir hei ds’alte Jahr bimne Fondue Chinoise mit dr’Joëlle und em Mano la usklinge und drufabe de uf ds’neue Jahr agstosse.
Nachdem üses Meitschi die letschte Wuche nume Konserve-Fleisch het übercho, het’s hüt richtigs Fleisch gä – d’Würstli wo Götti Mike ihre mitbracht het. Zu üser auer Freud isch sie Fründ vo Fleisch u isst’s gärn u „viu“.
Und wieder e Spiel-Abe *freu*. Mir sy bi Reby und Lüku zumne feine Znacht iglade worde und hei drufabe es für üs neus Spiu lere kenne: (Brändi) Dog. Gemäss em Reby isch üsi Rundi aber viu z’brav usgfaue; es gäb normalerwys meh Fieseleie, Konflikte und erhobeni Stimme. Spass gmacht hets üs trotzdem sehr :)
Mir sy ga d’Gotte Ste und dr’Unkle Jerry (Sterrys) bsueche. Bim gmeinsame Choche hets e Familie-Spezialität gä: Cervelat-Forelle. Da chöme Erinnerige a die eigeti Chindheit :)
Manus Gotte Beatrice und ihre Maa, dr’Geru, si zu üs cho e Tartare-Huet gniesse. Aaschliessend hei mir bis i die früehe Morgestunde dorfet und glachet.
Mir hei d’Monika und dr’Ueli zumne Tartare-Huet iglade bi üs. Das isch eifach scho es feins Znacht, o wenn d’Hütte när schmöckt… :)
Säuber gmachti Burger si haut eifach scho die beschte Burger :€
Mir si vo Moors zumene Grille iglade worde und hei e gmüetleche Abe dörfe zäme verbringe. Nume d’Bohne het nid soviu vo ihrem Götti mitübercho soviu wie sie pfuuset het.
Mir si bsuecht worde vom Reby und em Lüku u hei e glungne Abe mit Grill u Brettspiu dörfe verbringe. U ds’Reby isch e Meister im Goimele :)
Und entgege dr’gängige Meinig vor Manu („Pädu gwinnt geng“) het sie üsi recht längi Trivial Pursuit Rundi für sich chönne entscheide.