Tag Archives: Familie

Mit Urs u Sara am Tigers-Match

Published on 9. Dezember 2017 by Pädu Wäger

Dr’Urs u d’Sara si beidi ir Hockey-Schueu vo de SCL Tigers und hei ir Pouse vom Match Langnou gäge Ambri e Sponsorelouf gha vor aune Fans.
I ha die Glägeheit gnutzt und bi mit Eggimaas dr Match ga luege. Und botz hei, hani grad e Match usgsuecht! Es totau vo 13 Gou hei mir chönne luege, dere 9 für d’Langnouer.
Das het natürlech e super Stimmig erzügt im Stadion und het gloub o Urs u Sara rächt imponiert.

Itz muessi luege nächscht Saison mau Tigers gäge SCB chönne ga z’luege, o wenni mir de öppe blödi Sprüch muess alose.

Brunche bi John u Sandra

Published on 3. Dezember 2017 by Pädu Wäger

Nur wenigi Tage nacheme feine Znacht mit Gabi u Mike, si mir bi John u Sandra iglade gsy zumne usgiebige Brunch.

Nachdem mir üs d’Büüch ar üppige Uswau vougschlage hei, si mir aui no chli zäme ga spaziere u mir hei glehrt, dasses nume wenigi Minute näbe ihrer Wohnig usgseht wie viu witer ufem Land usse – u das so knapp ar Stadt Bern zueche.

Nomau viele Dank für die Iladig, mir aui hei dä Tag sehr gnosse.

Zu mim Geburtstag hani üs es paar cheibe feini, wenn o nid ganz so gsungi Burger zuebereitet. Da no PlayOff sy hani diesmau nid würklech iglade, sondern bi am Abe mit Mike zäme e wunderbare u eidütige Heimspiu vo de Mutze ga luege.

Published on 15. April 2017 by Pädu Wäger

D’Laura (u mir) het hüt Bsuech übercho vom Gotti Nina. Nach churzer Schücheli-Phase isch sie de aber schnäu uftout und het viu Freud gha – und öppe em Gotti o viu Freud bereitet.

Published on 14. April 2017 by Pädu Wäger

Mir sy hüt ad AgriMesse in Thun, vorauem o zum dr’Ätti ga z’bsueche wo mitem Verein Freunde alter Landmaschinen e Stand ufgsteut het gha — inklusive ere Live-Demonstration wie auti Traktore (i däm Fau e Landini vo 1955) hei müesse gstartet wärde.

Published on 4. März 2017 by Pädu Wäger

Und da ig ihm bir Modernisierig vom Stand ha ghoufe, hei mir itz natürlech o wöue gseh wie dasses itz aues so usgseht und uf d’Bsuecher würkt.

Uf Brösis Organisiere häre hei mir üs ufeme Buurehof im Luzernische igfunge zum mis Mami zu ihrem Geburtstag z’überrasche miteme Buurezmorge. Natürlech het sie dr’Brate gschmöckt – ds’Kriminaliste-Gen cha mä haut nid so eifach abschaute ;)

Published on 27. Februar 2017 by Pädu Wäger

I ha e bsungers länge Mittag gmacht und bi a ds Grab vo mim Grosi u drufabe no bim Götti verbi ufenes Schnaps. Nachdem i letscht Jahr nach langem z’erschte Mau am Grab bi gsy und es mi recht het mitgno, isches mir dieses mau ringer gange.

Published on 7. Februar 2017 by Pädu Wäger

Liebs Grosi, i vermisse Di.

Nach mängem Jahr vor Planig het’s itz ändlech klappet zumne „Cousinen und Cousins“-Treff. Es isch sehr interessant gsy aui die Gsichter wieder mau z’gseh – Einzelni gseht mä ja ab und zue, Angeri hani syt mängem Jahr nüm troffe gha.

Published on 14. Januar 2017 by Pädu Wäger

Mir hei üses erschte Wiehnachte in Schenkon gfyret bi mim Mami und em Brösi. Nachem Fest het de d Sandra grad dörfe es paar Tag bi Grosi u Grösi i de Ferie bliebe.

Published on 17. Dezember 2016 by Pädu Wäger

Bevor d’Manu u ig a Match sy hei mir no bi Manus Eutere gässe. Derbi isch ds fougende Foto entstande vor Sandra und em Ätti wo gmeinsam es Joghurt teile.

Published on 19. November 2016 by Pädu Wäger