D’Hockey-Saison het gstartet und üse SCB het e Sieg daheime chönne fyre, o wenns leider nume 2 Pünkt het gä derfür.
Was für ne geile Abe! Zersch hani e Gitter-Absperri verschobe und so e Parkplatz bim Stadion „ersteut“; när het CapitolFM ir Drittus-Pouse üser fachkundige Meinige gsendet; u schlussendlech isch Bern verdient MEISCHTER worde!!!
Die Wuche schint dr’jugendlech Übermuet meh düre z’schla aus o scho – drum si Mike u ig mit üsne Beardos ga dr’SCB-Match gniesse :)
Leider ha ig Nase verpasst es Foto vo üs z’mache… Mir hei nämlech sicher cheibe guet usgseh – zmingscht d’Lüt hei üs recht möge nacheluege.
Dr’SCB het sis erschte Play-Off Finau-Spiu daheime chönne usträge und het ds’Break us Fribourg chönne bestätige. Mir i de Räng hei e spannende und usglichene Match dörfe verfouge wo o gnue Szene zum Häng-verwärfe het bote…
Dr’SCB het ds’erschte Final-Spiu miteme schöne 4:1 für sich entschiede und somit bereits im Spiu Eis ds’Break gschafft. So gfaut das sehr :)
D’PlayOffs hei gstartet u mir si hutnah derbi gsi. E schöne Match wo viu Zwiefle wägem SCB-Kader laht la verstumme.
Ab itz faht die bärtigschti Zyt vor Hockey-Saison a! Hopp Mutze!
Itz wärs no vo Vorteil we ds’Gsichtshaar o würd mitmache… 
Nach au dene Matche isches doch no glunge mit Mike a ne SCB-March z’ga. So macht das Freud!
Aus Dankeschön für die verliehene SCB-Abos es herzigs Present übercho. A Setigem hani natürlech wieder huere Freud =)
