Hüt Nami isch d Frou Berger vor Müettere- und Vättereberatig cho luege wies louft. Vorem Gspräch hei mer d Sandra gwoge (inzw. bringt si 3’975 gramm uf d Waag) u när het doch das Lusmeitschi s wisse Blusli vor Frou Berger versch***. Published on 12. Juni 2013 by Manu
Nachdem mir geschter no aui Geburts-Chärtli DVDs i Hülle und Couvert packt hei, het d’Manu se hüt chönne uf d’Post tue. Sie werde i dere Wuche bi euch itrudle. Published on 10. Juni 2013 by Pädu Wäger
D’Bohne het vo Sterrys es schöns Armband mit ihrem Name druf übercho. Es isch ihre no chli z’gross – mir wei ja nid, dass sies verliert wie d’Gotte Ste ihres het verlore aube :) Published on 9. Juni 2013 by Pädu Wäger
Nacheme lange und eher monotone Samschti si itz aui DVDs bedruckt u brennt. Git es guets Gfüeu zwüsse was me gmacht het. Itz geits no a ds’Ipacke. Published on 8. Juni 2013 by Pädu Wäger
So, drü Wuche nach der Geburt bringe jetz o ig mi Ehering übere Ringfinger. Published on 8. Juni 2013 by Manu
Hüt isch no es letschts Mau d Hebamme, d Barbara verbicho. I ha no glehrt, wie me amne Baby tuet Naseputze. Isch fangs guet, de mues üsi chlini Bohne nümm so grunze ir Nacht. Published on 5. Juni 2013 by Manu
Endlich isch ds’Wetter u Temperature wieder besser worde u so hani mir d’Glegeheit nid la nä u ha prompt die churze Hose montiert. Published on 4. Juni 2013 by Pädu Wäger
Mi erscht Tag allei mit dr Sandra… Mir si go spaziere, go ichoufe (nid i der Stosszyt!) und bädlet hei mer o no. D Zyt a däm Tag isch verbi wi im Flug. Published on 3. Juni 2013 by Manu