I ha dörfe mi Geburtstag fyre. Mir hei d Wohnig vou Lüt gha. Es isch schön gsy, si so viu verbicho. Es isch e schöne Tag gsy.
I bi mis Armee-Materiau endlech los worde. Es paar wenigi Sache, wie Gnägi u T-Shirts, hani bhautet, dr’Rest isch gfloge (e Teil dervo no nach 10 Jahr unatastet).
Im vierte Versuech hanis endlech gschafft und ds’Spiel „Robinson Crusoe“ gschlage/überlebt – oder öme zmingscht ds’erschte Szenario…
Das Spiu isch echt hert und wirft dir permanent Steine i Weg. Aber ungerem Strich isches sicherlech wahr, isch doh ds’Lebe aus Gstrandete ufere Insle sicher kes Zuckerschlecke.
Läck bi ig es Gfeufüdle! I bi im Parkhuus dr’x-wieviut Bsuecher gsi und ha drum mis Park-Ticket gschenkt übercho.
I ha mi nach knapp 20 Jahr wieder mau a ne Nähmaschine gwagt zum Öppis schnurpfe. Gä hets e simple Sack zum d’Charte vom Spiu Carcassonne eifach chönne z’mischle und zieh.
I ha dr’Rubiks Cube ir Variante 7x7x7 chönne löse. Het zwar e Namitag dran umedreie erforderet, ber glöst isch glöst :)
Gemäss em Hersteller gits 19’500’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000 (bzw 1.95 * 10^160) verschiedeni Positione wie dr’Würfu cha sy.
Und glich dreit sech ds’ganze Spiu (Rätsu?) um die Einti 🙂
Das passiert wenn e Ma geit ga ichoufe und’s die passende Aktione git :)
D’Manu u ig hei e Rundi „Pandemie“ gspiut. Nach sehr guetem Start het ds’Spiu sech gwehrt u innert 2-3 Rundi sy mir churz vorem Verliere gsi. Mir heis de aber nomau chönne chehre u d’Wäut rette.
Endlech hanis gschafft dr’Blog füre Jänner nache z’trage. Es het mi die letschte Wuche die ganz Zyt gnervt. Itz isches so wyt und dir chöit e chli öppis nachelese.
D’Sandra het mir bim blogge o wöue mithäufe und het fougende Text biegstüüret:
, mjcm“okl,k cv -xvb b km jm, c
Während em Igä vom ihrem bitzeli Text het sie vorauem Fenster versteckt, verchlineret oder gschlosse. Und sie het mir immer mit dr’Muus drigfunket und au heneschiss irgendöppis klickt 🙂