Ja, die Spiumatte isch echt dr’Hit. Sie isch so interessant, dass d’Bohne die einzelne Teili doch lieber no chli genauer möcht aluege… und entsprechend d’Matte usenang nimmt.
I weiss nid ganz was üsi Tochter hüt g’ritte het, aber anstatt nachem Abe-Schoppe no es Görpsli z’mache, het sie lieber versuecht mir id’Nase z’bisse. Es füeht sech komisch a, isch aber glichzytig u herzig :)
Mir si Manus Eltere, Sandras Grosmami und Äti, ga bsueche, da mir üs scho es Zytli nüme gseh hei, und hei es feins Fondue zäme gässe.
Nachdem dr’SCB Ends letscht Jahr richtig guet gspiut het, het er diese Jänner nid chönne dra achnüpfe. Nid so hüt Abe! D’Mutze hei d’Denner Flyers mit 6:0 vom Ysch bodiget.
Mir hei e wyteri Charte vo/zu üsem Hochzyt übercho. Diesi isch mit „Liebi Grüess, Ig“ ungerschrybe worde :) Viele Dank em „anonyme“ Absender, mir hei guet glachet.
Uff, die Wuche hets durchus in sich gha. I ha e Schweti vo chline Änderige und Ufgabe gha, und so es paar Überstunde gsammlet. Aber itz isch ume viu besser, ha ig doch öppe aui mini Pendenze chönne abschliesse.
Itz plötzlech faht d’Sandra bim Ischlaf-Liedli a mitsinge. Sie nutzt zwar nume 1 Ton, aber das kompensiert sie mit Lutsterchi. D’Manu gheit regumässig drus vor Lache
Mit viu Müeh und Fantasie hei mirs gschafft und us dene Buechstabe (und Zahle) chönne Sandra Leia, sowie 17. 05. schrybe. Die restleche Puzzleteili hei mir när eifach no irgendwie häre ta.
Ds’Grosi und dr’Grösi hei üs es Bsüechli abgstattet. Da ds’Wetter isch guet gsi, sy mir du o no grad chli ga loufe – bis zum Zulgspitz u ume zrügg.
Mir hei e Spielmatte gfunge für d’Sandra. So cha sie eifach am Bode liege und umespiele, schnaage et cetera und isch glich nid direkt ufem Steibode. Die viele Farbe gfaue ihre gloub o guet
