D’Sandra het mi vou verwütscht wo sie hingerem Rügge e Gägestand plötzlech vor einte i die angeri Hand ta het. Und sie het’s grad so guet begriffe, dass sie nid jedes Mau wechslet so dass mä würklech nüm cha sicher sy.
Dr’neu Grill het e Spiess mit Elektro-Motor mitglieferet gha u so hei mir hüt es Güggeli ufem Grill gmacht. Es het zwar no Verbesserigspozential, aber mir sy uf guetem Weg.
Ach, die guete aute Zyte. „Flûte im Fleesch mit Chees“ isch haut eifach scho super, o bsungers aus Bettmümpfeli :)
Nachere lange Pouse vo fasch eim Jahr (363 Tag) hei d’Manu u ig wieder üses letschtjährige Summer-Chartespiue, Android: Netrunner, vüregno u gspiut.
Es het üs wieder chli bruucht bis mir sy dri cho. Aber das hei mir nid angers erwartet bimne Spiu wo beidi Site ungerschiedlech spiele mit eigete Regle.
Im Spiu isch öpper e Mega-Konzern mit unsubere Projekt wo er hinger Firewalls schützt und über d’Zyt wott vora triebe zum punkte. Die angeri Person spiut e Hacker wo versuecht a die Projektdate z’glange um so Punkt z’erziele.
Dr’Clou am Spiu isch die asymmetrischi Spiuwys – dr’Konzern spiut nämlech sehr viu Charte verdeckt u cha o Faue uslege ir Hoffnig dr’Hacker gheii druf ine.
Aus Hacker muess mä auso geng uf dr’Huet sy und darf sich nid la locke, glichzytig isch mä aber gforderet z’agiere wüu schüsch dr’Konzern mit sine Macheschafte ungstört dürechunnt.
Bluffe, Doppu-bluffe und e gsungi Portion Mistroue mache das Spiu so spannend.
Vo wäge ufe Sirup verzichte: I ha syt dene paar Wuche woni druf verzichte scho 3 Kilo weniger uf dr’Huft. We Gwicht verliere doch geng so eifach wär :)
Syt es paar Wuche hani am Sirup abgschwore und aromatisiere mis Mineral itz miteme Sprutz Zitrone-Süüri, was wiederum d’Sandra o geng gluschtet so dass sie wot probiere.
Itz isches mir glunge es Video z’mache wie sie chli Zitrone-Süüri schnouset:
Mir hei füre 1. Ougschte üsi Brot und Spiele Gruppe und no e witere Gascht iglade zum gmeinsam Grille u drufabe chli Fürwärchle. Letzteres isch wegem Wetter recht id’Hose, was mir derfür mitere Ladig Party-Spiu kompensiert hei :)
D’Sandra isch vom Nachbars-Bueb zure chline Usfahrt ufem Rase iglade worde :)
Vieu Bsuech
Hüt Nammittag hei d‘ Sandra und ig d Bude vou Lüt gha 🙂
Nachdäm churz nachem Mittag s Grosi vo der Sandra isch verbicho, sy im spetere Nami no mi Götti Fritz mit syre Frou der Renate und syre Muetter d Elisabeth (d Schwöschter vo mim Grossvati sel.) usem Thurgou es Bsüechli cho mache. Es isch schön gsy se wider mau ds gseh.
D Sandra und ig hei üs sehr über die zahlriche Gescht gfreut.