I wierde geng besser mit em Zöpfle :) mit Sandras fiine Haar isches schono so usefordernd.
Syt hüt cha d’Laura richtig am Tisch hocke mit üs. Es isch no chli waggelig, aber sie freut sech sehr dass sie itz meh cha teilnä; und o d’Sandra freut sech o sehr cha sie itz besser mit dr’Schwester löle…
Es isch ungloublech wi schnäu die Ching wachse. Bim hütige Termin vor Müettereberatig hei mer festgsteut, dass d’Sandra scho 96,5 cm u d’Laura 69 cm isch. U zäme bringe sie scho über 20 kg uf d’Waag (14 & 8).
Schön zwüschdüre o chly Ferie ds ha. D’Sandra het jetz grad paar Täg, wosi bi Grosi u Grösi isch – u i dere Zyt chani mau diverses dahei mache, wo süsch nid so gäbig geit. Und d’Laura u ig lehre üs o grad chly angers kenne – mir sy ja sit em Spitau nümme allei gsy.
Ds’vor churzem uf Ricardo ersteigerete Brettspiu „Formula D“ isch e Voutreffer. D’Manu u ig hei üs grad mehrmaus in Monaco es heisses Auto-Renne glieferet mit de zum Teil dümmschte rennfahrerische Entscheide. Echt e glungni Balance zwüsche Istiegerfründlechkeit, Chaos und e Portion Plannig.
Aus erschti Versuechskaninchen hei Reby+Lüku müesse härehaute und knauhert Red u Antwort sta bezüglech em Verzehr vo mine 4-Stunde SpareRibs. Drufabe hei mir dr’Abe miteme gmüetlech Brettspiu la usklinge (drum heisst üsi Brettspiu-Gruppe o „Brot und Spiele“). Ah, und d’Manu het öppe dr’bescht Härdöpfu-Salat gmacht wos je hets gits!
Für aui die wo itz glustig sy und o möchte tafle, häbet Geduld. Leider isch dr’Grill z’chli zum meh aus 3 kg SpareRibs z’mache u drum chöi mir euch nid aui glichzytig ilade.
Aber dr’Summer isch no länge, da wird sech ja sicher öppis ergä.
Ds hütige Schlächtwätterprogramm isch super gsy. D’Sandra het sech mit de Fingerfarbe, wo sie zum Geburi het übercho, a der Terrassetüre dörfe ustobe :)
Dank dr’neue Grillplatte chani mis Grill-Repetoire erwitere – mis hütige (glungnige) Experiment isch Spiegu-Eier mit Speck. Grille zum Zmorge chönnti mi echt dra gwane.
Chürzlech hani verzeut dass ig mau wott BBQ SpareRibs versueche z’smoke ufe Grill. I ha dermit grad e Tschuppele Lüt glustig gmacht u ha drum itz mau e Probelouf gmacht (wo wahrschinlech nume no glustiger macht).
I ha üse Gartetisch us Teakhouz gschliffe und neu lasiert und bi mitem Ergebnis sehr zfriede. Demnächst wirdeni mi a d’Stüeu mache, aber da bruchi gnue Zyt zum schliefe.
