Die neuschti Mode vor Laura isch, ihri Socke ab z’zieh und gnüsslech druf/dran ume sabbere (so richtig flotsch nass). So tiffig wie sie fang dr’Socke abem Fuess bringt, lö mir guet u gärn es haubs Dotze Socke düre pro Tag.
Da mir no i d’Stadt hei wöue, hei d’Sandra u ig üs nume churz es Joghurt teilt damit mir öppis im Buuch hei. Auerdings sy mir itz sowit, dass d’Sandra dr’Päpu füetteret und nüme angersume :)
Manus neue SCB-Dress mitem säuber definierte Wunsch-Ufdruck isch fertig, und es gseht sehr schön us.
Mir sy hüt bi Mischu’s Mami (d‘ Susi) iglade gsy, wöu Mischu si Geburi het dörfe fiire. Nomau aues Liebe und Guete vo üs vierne.
I bi mit de Ching bepackt (Snaggli und a der Hand) richtig Bethlehem greist u ha äxtra d‘ Zugverbindug gno, dass mer vo Thun uf Bärn is Spieuabteu hei chönne. D’Sandra wo das bis jetz no nid gkennt het, isch natürlech aus grossi Rutsch-Liebhabere wahnsinnig begeischteret gsy :)
I ha mau wider mi DH Termin bim Zahni hinger mi bracht. U i bi wi jedes Jahr froh, dass dä Termin im Kaländer aus erledigt erschint.
Es isch scho ume Zyt fürne Bsuech bi der Chinderärzti. D‘ Laura het vous Programm gha, mit wääge (7360 gramm), mässe (65cm Körper, 43 cm Chopf) u gigsli mache. U o d’Sandra het ume eis mit dörfe. D’Sandra het nomau müesse ä Tescht mache wägem 3D gseh u dismau isch aues guet gsy. U bi Lauras ungersuechig het si ganz nach dörfe derbihocke und zueluege. Das het ihre schono so gfaue.
D’Sandra het ihres Pischi hüt säuber agleit, auerdings gseht’s chli angers us aus we mir tüe :)
I ha gester a Sandra’s Bäbi ändlech e aständegi Nuggichetti bastlet. S‘ erschte Bändeli woni mir Läbtig gchnüpft ha – u es het spass gmacht :)
Mini chlyni Hushauthiuf… :)
Sie hiuft zum Teu wosi nume cha… Choche, Wösch sortiere u zämelegge, suge, putze…. Leider bini so nid grad schneuer mit Hushaute… 😁
