Da ig sowieso dr’ganz Nami ir Nechi vom Grill wirde sy, hani mirs so ugrichtet, dassi näbebi no cha Beef Jerky (Indianerfleisch) versteue. I ha es Kilo Rindfleisch verarbeitet u hoffe dass am Schluss no 500 Beef Jerky übrig bliebe 😁 Published on 13. April 2017 by Pädu Wäger So gseh die marinierte Streife us (nid dr’appetitlechst Ablick): Und so gseh sy us nachdem sie knapp 2 Stung (vo 5) ir Wärmi ghanget sy:
Itz wo Tage wieder wärmer wärde u mir meh und meh dusse hocke, hei mir üsser Chüssi usenang gno und neu igfärbt. Zwar es müh müehsam, so het sech’s doch sehr glohnt. Published on 10. April 2017 by Pädu Wäger
I ha hüt dr’erscht Prototype vo mim eigete Brettspiu fertig bastlet – er gseht o entsprechend schäbig us :). I dä nächschte Tage wirdeni mau d’Manu müesse überrede zure Proberundi, und hoffe, dass es einigermasse funktioniert… Published on 9. April 2017 by Pädu Wäger
Und o ds’zwoite Finau-Spiu hei d’Mutze für sich chönne entscheide. Dr’EV Zug muess sech ächt öppis überlege, schüsch wird das ä churzi Serie bis zum Pokau. Published on 8. April 2017 by Pädu Wäger
Wow, was für ne Uftakt i Playoff-Finau. Üser Mutze hei dr’EV Zug i de erschte 30 Minute richtiggehend vom Iis putzt. Die zwoiti Matchhäufti hei sie 2-3 Gäng usegno, aber es isch glich bim 5:0 bliebe. Published on 6. April 2017 by Pädu Wäger
Während d’Sandra mau ume eis für paar Täg bi Grosi u Grösi i de Ferie isch, gniesse d’Laura und ig echli d’Zwöisamkeit. Es isch erschreckend ruhig dahei u trotzdäm u schön mau eifach chly Mami-Laura Zyt ds ha. Published on 5. April 2017 by Manu Der Laura ihres erschte Bad ohni Mami und Sandra – sie hets extrem gnosse. U es het so guet klappt, dass es ds Mami künftig i der Badwanne nümm brucht 😀