Author: Pädu Wäger

Da mir no i d’Stadt hei wöue, hei d’Sandra u ig üs nume churz es Joghurt teilt damit mir öppis im Buuch hei. Auerdings sy mir itz sowit, dass d’Sandra dr’Päpu füetteret und nüme angersume :)

Published on 30. April 2016 by Pädu Wäger

Manus neue SCB-Dress mitem säuber definierte Wunsch-Ufdruck isch fertig, und es gseht sehr schön us.

Published on 29. April 2016 by Pädu Wäger

D’Sandra het ihres Pischi hüt säuber agleit, auerdings gseht’s chli angers us aus we mir tüe :)

Published on 21. April 2016 by Pädu Wäger

I ha mi Geburtstag sehr gnosse u möcht mi nomau bedanke bi wuch aune wo irgend ire Art a mi denkt hei hüt.

Published on 15. April 2016 by Pädu Wäger

Meischter, Schwizer Meischter! Lala lalalala lala lalalala!

Published on 12. April 2016 by Pädu Wäger

Mir hei e erschte (leider doch eher dümmläche) Kommentar ufenes Video uf YouTube übercho.

Published on 11. April 2016 by Pädu Wäger

Dr’Früehlig isch da – ds’Wetter und d’Temparature hei sech so zum Guete gänderet dass mir z’erschte Mau dieses Jahr üses Znacht dusse gässe hei.

Published on 10. April 2016 by Pädu Wäger

Mitem Früehlig chunnt derfür o ds’permanente Chuzzele ir Nase bi mir, seich Allergie!

SCB! D’Mutze hei ds’Break daheime chönne bestätige u liege itz 3:1 vore ir Serie – mit de kommende 2 Match-Pucks sötts guet müglech sy dr’Pokau nach Bern z’hole.

Published on 9. April 2016 by Pädu Wäger

Syt dere Wuche cha sech d’Laura o vom Buuch wieder ufe Rügge chehre, wenn o no zaghaft und ersch vereinzelt.

Published on 8. April 2016 by Pädu Wäger

Leider ha ig säuber bis itz jedes Mau verpasst wes passiert isch 🙁

Was für ne geile Match! I bi vor luter Ufregig zwar guet es Jahr gauteret, wüu dr’Treffer so spät isch gfaue, aber dr’Match isch echt Bombe gsy zum luege.

Published on 5. April 2016 by Pädu Wäger

Ds’dritte Drittu het Bern gfüut nume Überzau gspiut, obwous 5 gäg 5 isch gsy.