Da d’Sandra no nid so Erfahrig het mitem aute, wissbärtige Maa, wo aube am 6. Dezämber uftoucht, het der Pädu chly mit ihre güebt – mä weiss ja nie, plötzlech begägnet mä ihm plötzlech no u de wärs doch gäbig, es Värsli parat ds ha ;)
Alle Jahre wieder….
Oder angers gseit: o dises Jahr, darf sech d’Sandra über vili vili Päckli freue. I hamer d Püetz dises Jahr chly vereifacht und ha farbegi Täschli gkouft u ha d’Gschänk i Stopfwatte ipackt. I freue mi scho jetz uf Sandras Gsicht morn am Morge (nur schad, dass sech d’Täschli geng wägdräie).
Vorauem wesi uf aues ufe gseht, dases grad drü Sache git zum ‚Töri uftue,. (No e Schöggeli-Kaländer vom Grosi und e Playmobiu-Kaländer vom Gotti Andrea).
Ändlech ha o ig mit der Sandra güetzelet. Sit sy vor 10 Täg mit mim Mami het dörfe güetzele, isch sy mer i de Ohre gläge dermit. Sie het ä riise Freud gha drann :)
Di armi Laura… Het hüt vormittag aues vo sech gäh, was sie i ihrem chline Mage drinn het gha. Ke Ahnig, was das fürne Spontani-Erbräch Aktion isch gsy. Innert churzer Zyt het sie säch aber vo fiebrig u müed wider erhout u isch bis am Abe bereits wider rächt fit gsy – u o sehr hungrig.
D’Laura het die letschte Täg grad rächt vorwärts gmacht. No vor eirä Wuche isch sy nur mau zwüschdüre chly uf d Chnöi u wider abe… U jetz leit sie zum Teu bereits mehreri Meter zrügg.
I ha hüt mine Ouge chum trout, woni ufem Sofa bi ghocket u öppis ha gläse… U sech da plötzlech d’Laura am Sofa ufezieht, bis sie meh oder weniger uf de Füess gstange isch :)
D’Laura isch umzoge.
Nachdäm das mit däm gmeinsame Zimmer in Spanie so guet klappt het, isch d’Laura am Sunnti zur Sandra umzoge. Mir sy no nid ganz ds Fride mit der Möblierig, aber fürs erschte passts eso. D’Sandra het chürzlech am Mittag nachem Pfüsu grad müesse zur Laura is Bett go schmuse 😉
Es isch ganz härzig, wie d’Laura im Moment aues hin u här rumt. Si schnagget mängisch i Sandras Zimmer u tuet zersch ufrume was am Bode ligt, bevor si füre rumt, was ihre grad so is Oug sticht ;) Ds Ufgrumte befindet sech haut zum Teu nid ganz dert, wos de o häreghörti.
Isch das herrlechs Wätter gsy! Mir hei hüt no s Grosi ds Bsuech gha u der räscht vom Nami het d‘ Sandra im Bassin verbracht.
Auso, für dass es ufem Uswiszäntr het gheisse, am 28.6. chöm de d’ID vo der Laura, sy sie extreeem tifig gsy. Hüt isch die scho ir Post gsy.
