Ach, wie die Ching äuter wärde. D’Laura cha mittlerwiele säuber Türe uftue – u plötzlech isch nüme sicher im Hushaut :)
Hüt het mi d’Sandra verblüfft wo sie plötzlech usem nüt use fählerfrei uf 10 het zeut – bis itz ischere drum geng irgendwo es Dürenang passiert.
D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.
Eifach chli umechaubere mit dr’Laura.
Mie hei ume eis e Bsuech bim Frouarzt gmacht u hei e Blick uf Pfupf gworfe. Sie entwicklet sech sehr guet was üs sehr freut. Ah, d’Sandra het bim Ultraschaue dörfe häufe und em Doktor de gar 2-3 mau zviu ufem Computer umedrückt :)
Mir sy aui zäme bim Frouearzt gsy u hei gluegt u gstuunet wie wit Pfupf isch (mä erkennt scho so viu), und hei derbi o grad erfahre, dass mir es zwoits Töchterli, bzw es Schwösterli, überchöme. Päpu bliebt Hahn im Korb :)
Nachwuchs!
I ha hüt ä sehr wichtige Termin gha. Jetz wüsse mir, dass mit üsem Bebe aues OK isch – u ds Gheimnis cha ändlech glüftet wärde. D Sandra überchunnt gäg ändi Jahr es Gschwüsterti. Mir freue üs sehr 🙂
Bimene Bsüechli bi Moors hei mir dr’Noah Mael dörfe lehre kenne. Er isch scho cheibe wiff u het scho aktiv versuecht dr’Chopf z’lüpfe u umezluege woner bi mir ar Schultere isch gsy. I stuune.
Mi het o sehr gfreut wie d’Bohne mitem Elija und em Joshua het chönne spiele. Ömu zytewys, denn aber derfür umso besser 🙂
Hie no es chlises Video vor Bohne wie sie am telefoniere isch.