Es isch super! Mini uf Ricardo ersteigereti Näimaschine isch hüt cho (nöi u mit 2 Jahr garantie, direkt vomne Bernina-Gschäft). Itz bini vouer Tatedrang…mues aber zersch chli luege, wie sie überhoupt funktioniert. Für mis erschte Projekt hani ömu scho fasch aui Utensilie :) Published on 23. September 2013 by Manu
Hüt hei mer jetz no z Wyler-Familiefescht gha (nachdäm Eggimann o im September isch gsy). Es isch schön gsy, soviu Lüt mau wider z’gseh, da merkt me wider wie schnäu die Zyt doch vergeit… Published on 22. September 2013 by Manu
Ja, o i bi vo de Ladies überrascht worde. Mir si u fein ga ässe. I ha de Abe richtig gnosse. U d Überraschig isch so was vo glunge, i bi fangs 24h vorher uf d‘ Idee cho, dass z gmeinsame go Ässe mit Moors nur e Vorwand chönnt sy. Published on 21. September 2013 by Manu
I ha dr’Azug woni letscht Wuche usprobiert u bsteut ha, chönne ga hole. D’Apassige vor Schnyderinpasse sehr guet – i bi sehr z’friede. Published on 21. September 2013 by Pädu Wäger
Mir hei mi Pouterabe gfyret und d’Jungs hei mi überrascht miteme Usflug id’Paintball Arena. Das macht no meh Spass ausu denkt ha, o weme när verschwitzt u vou blaue Flecke isch :) Published on 20. September 2013 by Pädu Wäger
Ds’Coding-Problem woni i de letschte Tage jewius vor mi hergschobe ha, het sech viu eifacher la löse aus erwartet. Woni mi ha dra gsetzt het sech dr’Code fasch vo alleini gschrybe u sofort funktioniert. Published on 17. September 2013 by Pädu Wäger
Mir hei Mikes 30. Geburtstag miteme tolle Ritter-Fest gfyret (inklusiv Bogeschiesse u Spanferkel) u ig ha dr’Punkt „Schotterock trage“ vo mire Bucket-List chönne abhägle :) Published on 15. September 2013 by Pädu Wäger
Mir hei hüt dörfe am Mike si Geburtstag fiire. Z Fescht het zum Thema Mittelerde / Mittelalter stattgfunge. Es isch es schöns Fescht gsy. I hätt sogar dr Sandra die Wuche es süesses Kostüm baschtlet… Si hets aber scho gly nümm anne gha, wöus süsch z warm wär gsy. Published on 15. September 2013 by Manu
D’Sandra wott jetz o Zähn :) Üsem Meitschi tuet doch jetz tatsächlech scho dr eint oder anger Zahn düredrücke. Published on 14. September 2013 by Manu
D’Hockey-Saison het gstartet und üse SCB het e Sieg daheime chönne fyre, o wenns leider nume 2 Pünkt het gä derfür. Published on 13. September 2013 by Pädu Wäger