Pädu Wäger: Page 8

D’Sandra isch zum erschte Mau live amene SCB-Match derbi gsy und het sehr möge rüehme wie toll dass es sig und wie guet es ihre het gfaue.

Published on 11. Oktober 2016 by Pädu Wäger

Mir hei üs extra es Spiu vor Champions Hockey League usgsuecht wüu die erfahrigsgemäss weniger Zueschouer hei. Auerdings sy mir de glich scho nachem erschte Drittu wieder hei wüu’s sehr chaut isch gsy und d’Sandra de doch het afa unruiger werde.

Zur Fyr vo Ueli sim Geburtstag sy mir Manus Eutere ga bsueche und hei zäme käfelet, verzeut und dr’Ueli miteme Dia-Scanner überrascht, so dass ihm ir bevorstehende Pension o ja nid längwielig wird.

Published on 9. Oktober 2016 by Pädu Wäger

Nach über 2 Jahr het’s es Revival gä vom Game of Thrones Brettspiu-Abe bi Carreras. Angers aus bir erschte Rundi hani diesmau igluegt wie säute öpper iluegt… Und trotzdem het’s gfägt wie verruckt.

Published on 8. Oktober 2016 by Pädu Wäger

Nachdem mir bereits über ne ganzi Saison Bsitzer vo 2 Sitzplätz im Berner Hockey-Tempu sy, het’s d’Manu endlech o mau gschafft live im Stadio derbi z’sy – sie het de no grad e wunderbare 5:0 dörfe gniesse.

Published on 7. Oktober 2016 by Pädu Wäger

So, Manu u ig hei i de letschte 3 Monet üses Trainingsprogramm sehr guet dürezoge u si totau uf je öppe 40 Trainings-Tage cho mit Schwitze, Chüüche, Flueche u Muskukater. Aber es het sech glohnt u mir werde wyterhin dran bliebe.

Published on 5. Oktober 2016 by Pädu Wäger

Mir hei d’Andrea, Mischu, Urs und Sara zu SpareRibs vom Grill (4-5 Schtung ufem Grill :)) iglade und gmeinsam lecker u deftig möge mampfe. Üs stört’s da o überhoupt nid, dass dr’Summer langsam Gschicht isch und d’Tage geng chüehler wärde…

Published on 2. Oktober 2016 by Pädu Wäger

Lang het’s duuret bis mir wieder mau e Spiu-Abe hei zstang bracht – derfür het’s umso meh gfägt nach so langer Zyt. Und dr’Kolleg het de o grad sini früschi Fründin mitbracht und se mit dr Brettspiu-Begeisterig agsteckt.

Published on 30. September 2016 by Pädu Wäger

Ach, die schöne Momente wenn chlini Ching/Bebe Spinat esse (oder verteile) – i diesem Fau sogar z’erschte Mau überhoupt.

Published on 28. September 2016 by Pädu Wäger

D’Sandra het hüt ihres Geburtstags-Gschenk iglöst und isch mit dr’Gotte Ste und em Unggle Jerry ä Namitag lang i Zoo. Wie mir ghört hei, het sie’s sehr gnosse, o wenn’s nid immer um d’Tier isch gange.

Published on 25. September 2016 by Pädu Wäger

Mir hei üs när drufabe mit Sterrys bi ihne daheime troffe und no gmeinsam fein zNacht g’ässe.

I ha Glägeheit übercho es Spiu z’spiele woni syt über emne Jahr druf blange – Raulways of the World. Und wow, es isch würklech vou u ganz nach mim Gschmack, so dass ig’s bi nächster Glägeheit sicher wieder wirde vorschla.

Published on 15. September 2016 by Pädu Wäger

Familie Wäger

und was üs so passiert im Läbe…

Author: Pädu Wäger