D’Laura robbt fang rächt im Wohnzimmer umenang. Vo Sandras Stüehli und Chuchi wierd sie regumässig magisch azoge.
Hüt hei mer im MuKi-Turne der Abschluss gha. Das heisst, aui hei öppis mitbracht u mir hei Picknickt u es het di ganz Familie chönne mitcho. Jetz isch Pouse mitem Turne bis mitti Ougschte.
Hüt hei d’Girls und ig rächt es Programm gha. Mit Kömmerle, uf Thun mitem Bus für Lauras ID ds mache u wider retour, es Bsüechli im Kafi woni gschaffet ha und zu gueter Letscht schön lange Ufenthaut ufem grosse Spieuplatz bi der Schueu.
Syt hüt cha d’Laura richtig am Tisch hocke mit üs. Es isch no chli waggelig, aber sie freut sech sehr dass sie itz meh cha teilnä; und o d’Sandra freut sech o sehr cha sie itz besser mit dr’Schwester löle…
Es isch ungloublech wi schnäu die Ching wachse. Bim hütige Termin vor Müettereberatig hei mer festgsteut, dass d’Sandra scho 96,5 cm u d’Laura 69 cm isch. U zäme bringe sie scho über 20 kg uf d’Waag (14 & 8).
Schön zwüschdüre o chly Ferie ds ha. D’Sandra het jetz grad paar Täg, wosi bi Grosi u Grösi isch – u i dere Zyt chani mau diverses dahei mache, wo süsch nid so gäbig geit. Und d’Laura u ig lehre üs o grad chly angers kenne – mir sy ja sit em Spitau nümme allei gsy.
Die neuschti Mode vor Laura isch, ihri Socke ab z’zieh und gnüsslech druf/dran ume sabbere (so richtig flotsch nass). So tiffig wie sie fang dr’Socke abem Fuess bringt, lö mir guet u gärn es haubs Dotze Socke düre pro Tag.
Mir sy hüt bi Mischu’s Mami (d‘ Susi) iglade gsy, wöu Mischu si Geburi het dörfe fiire. Nomau aues Liebe und Guete vo üs vierne.
I bi mit de Ching bepackt (Snaggli und a der Hand) richtig Bethlehem greist u ha äxtra d‘ Zugverbindug gno, dass mer vo Thun uf Bärn is Spieuabteu hei chönne. D’Sandra wo das bis jetz no nid gkennt het, isch natürlech aus grossi Rutsch-Liebhabere wahnsinnig begeischteret gsy :)
