Am Afang isches aube nid so gloffe, aber mittlerwiele chas d’Laura mit Nachbers Busle scho richtig guet.
Ach, wie die Ching äuter wärde. D’Laura cha mittlerwiele säuber Türe uftue – u plötzlech isch nüme sicher im Hushaut :)
Hüt het mi d’Sandra verblüfft wo sie plötzlech usem nüt use fählerfrei uf 10 het zeut – bis itz ischere drum geng irgendwo es Dürenang passiert.
Dr Manu isches glunge es Video z’mache vor Laura we sie am loufe isch. I de letschte Tage isch das meh aus einisch versuecht worde, aber d’Laura het sech de aube geng grad wieder häregsetzt…
I ha hüt z’erschte Mau chönne derbi sy we d’Laura komplett alleini louft – sie isch uf mi zuegloffe, guet e Meter, u het sech när i miner Scheiche la gheie.
D’Laura luegt viu Sache vor Sandra ab, haut o ab und zue chli Seich. So het sie hüt abgluegt wie mä tuet Nase grüble… Es het früecher oder später ja so müesse cho :)
D Laura verma üs o immer wieder z’überrasche. Diese Morge bim usem Bett nä hei mir festgsteut, dass sie sich ir Nacht söuber scho chli abzoge het – zmingscht ei Ärmu het sie möge usfädle. Wie o immer sie das so gschafft het.
D Laura überchunnt mittlerwiele ihre dritt Zahn – die rechti oberi Schufle. Es chunnt ihre grad recht, wott sie doch numeno ds gliche esse wie o mir uf de Teller hei.
Ach, die schöne Momente wenn chlini Ching/Bebe Spinat esse (oder verteile) – i diesem Fau sogar z’erschte Mau überhoupt.
Itz isches endlech sowit – dr’Laura wachst dr’erscht Zahn und mä gspürt nä scho vei chli guet :)
Einzig gseh tue mä ne nod nid so recht, aber o das chunnt no.