Mir si für ds’Eggima-Treffe bis i Thurgou greist. Es isch es sehr schöns Familie-Fescht gsi – vorauem für d’Manu wo e Teil vor Verwandschaft syt Jahre nüm het gseh.
I ha es Igeli vorem Tiefgarage-Igang zu üsere Werchstatt gfunge. Ke gschide Platz für es Igeli, drum hanis d’Zuefahrt ufebracht und begleitet bises imne Gebüsch verschwunde isch.
outtakes.ch isch jährig! Es ganzes Jahr hei mir (und dir) usghaute :)
I bi am Afang nid sicher gsi ob mir solang Pfuus und Luscht hei. Und grad im Früehlig bini scho ines Loch gheit und so het dr’Blog fasch e Monet-grossi Lücke 🙁
Chli Öppis über d’Azau Iträg
| Pädu | 254 Iträg | 4.87 pro Wuche |
| Manu | 55 Iträg | 1.05 pro Wuche |
| Bohne | 69 Iträg | 1.32 pro Wuche |
| outtakes.ch Totau | 288 Iträg | 5.52 pro Wuche |
I ha mis afängleche Ziu vo 6 Iträg pro Wuche nid erreicht. Mit knapp unger 5 bini aber nid unglücklech (vorauem wüui ja e Monet ha la glartsche).
Und mit 5.5 Iträg pro Wuche hei mir aues i auem e attraktive Schnitt.
Und no chli Date zu de Bsuecher-Zahle
I de erschte 4 Tag isch ke Analyse-Software gloffe, drum isch dr’Tages-Schnitt jewius nume 1/361.
| Azau | Tages-Schnitt | |
|---|---|---|
| eidütigi Bsuecher | ? | ~ 8.00 |
| Bsueche | 3’613 | 10.01 |
| Site-Ufrüef | 5’671 | 15.71 |
| Medie-Dateie | 134 dervo 1 Audio-Datei |
bla… 🙂 |
Sone Sunnti eignet sech haut eifach scho guet aus Spiutag. Mit Reby und Lüku zäme hei mir dr’ganz Namitag verspiut und derbi vorauem die neue Spiu intensiv usprobiert.
Ds’wunderschön gstautete Spiu „Jamaica“ (das hei mer chürzlech erwähnt ufem Blog) isch ds’Vierte höch grad viu intensiver; es giut viu meh Seekämpf und o ds’Häbe vomne Schatz isch einiges schwieriger bi soviu piratischer Konkurrenz 🙂
Drufabe hei mir no „Zug um Zug“ gspiut. Das Spiu het d’Manu u mi soso-lala dünkt wo mir’s z’Zwoite usprobiert hei – es het eifach d’Spannig gfäut wüu mir üs nid si id’Queri cho.
Aber o das Spiu spiut sech ganz angers we mä z’Vierte isch. So passierts immer wieder, dass eim öpper e Strecki vor dr’Nase wegbout und mä ds’eigete Ziu 2 Bahnhöf mitenang z’verbinde numeno mit massive Umwege cha realisiere (wo eim natürlech o wieder verbout werde… :)).
Wenigi Stund bevor ig zum Obligatorische Schiesse abgmacht ha, hani usegfunge, dass ig gar nüme muess ga :) So schnäu hani mini Schiesspflicht no nie erfüut.
Es het es bitzeli duuret bis ig ha gwüsst wo ds’Schwert söu ufgmacht werde. Itz bin ig aber froh und happy so wie’s hanget (u abglenkt wemer Fernseh luege :)).
No die letschte heisse Täg gniesse … u no einisch aune dr Buchnabu zeige (mit em Röckli geit das ja gäbig)
Ir Müettereberatig hei mer hüt festgsteut, dass jetz d’Sandra scho 59 cm gross isch. Das geit irrsinnig schnäu.
Dieser Tage faht d’Bohne meh und meh afa griife und gspüre und d’Finger nutze; u so het sie mehreri Minute lang Mamis Nase müesse betaste und alänge.
